KRIJIM DHE ZHVILLIM FAQESH INTERNETI
Përshkrimi
Pas një përvoje të gjatë në zhvillimin e projekteve në internet, ofroj shërbim profesional për krijimin dhe zhvillimin e faqeve moderne për biznese, individë, organizata dhe projekte të ndryshme
Faqet ndërtohen nga e para me kod të dedikuar (custom code), duke mundësuar kontroll të plotë mbi pamjen, strukturën dhe funksionalitetin. Çdo projekt ka ndërtim dhe identitet vizual të personalizuar, me përshtatje për përdorim në kompjuter, laptop, tablet dhe celular (responsive design)
Zhvillimi bëhet duke pasur parasysh standardet bashkëkohore të aksesueshmërisë (accessibility), performancës dhe optimizimit për motorët e kërkimit (SEO), si dhe mundësinë e krijimit të versioneve shumëgjuhëshe dhe përdorimit si aplikacion i instalueshëm (PWA
– Progressive Web App)
Mund të realizohen
* Faqe prezantuese për biznese;
* Faqe profesionale ose portofol për individë;
* Faqe prezantuese për organizata;
* Faqe për projekte, nisma dhe shërbime;
* Faqe për fushata dhe promovime;
* Faqe të tjera të personalizuara sipas nevojave të klientit
Çmimi dhe kushtet
Krijimi i një faqeje statike të personalizuar kushton 50,000 lekë, pavarësisht numrit të nënfaqeve, tematikës apo kompleksitetit të ndërtimit
Domain dhe hosting paguhen veçmas, ndërsa konfigurimi dhe menaxhimi i tyre përfshihen në pagesën bazë
Funksionalitetet që kërkojnë zhvillim të avancuar, si rezervime (booking), shitje online (e-commerce), baza të të dhënave (database), CMS ose panele administrimi, llogari përdoruesish, statistika të vizitorëve, integrime të avancuara (API integrations), backend të personalizuar, sisteme të tjera dinamike ose aplikacione për Android dhe iOS, trajtohen veçmas dhe çmimi i tyre nis nga 100,000 lekë, në varësi të kërkesave të projektit
Pagesa e projektit kryhet me transfertë bankare në dy faza: 50% në fillim të punës dhe 50% pas miratimit të versionit përfundimtar, përpara publikimit
Mbështetje dhe mirëmbajtje
Çdo projekt përfshin 30 ditë mbështetje pas publikimit, gjatë të cilave mund të bëhen korrigjime dhe ndryshime të nevojshme bazuar në përshtypjet dhe kërkesat e klientit
Pas kësaj periudhe, mbështetja dhe mirëmbajtja e vazhdueshme ofrohet për 4,000 lekë në muaj, të paguara përmes transfertës bankare, duke përfshirë përditësime, kopje rezervë (backups) dhe mirëmbajtje të përgjithshme teknike
I gjithë komunikimi zhvillohet përmes mesazheve elektronike (email). Për të filluar, dërgoni një mesazh me një përshkrim të shkurtër të projektit, qëllimin e faqes dhe, nëse keni, disa shembuj faqesh ose stile vizuale që ju pëlqejnë
Pas kësaj nisim punën
Email
